(كاسيب كوچه سي) 

نيسگيل آغاجي هئي گتيرير بار كوچه ميزده/

يارب نيه بيتمير ساري گول,دار كوچه ميزده???/

اكديم قاپيدا مين يول آغاج وئرمه دي بهره/

ديسن گئجه گوندوز توكولور قار كوچه ميزده/

قارغاندي مگر دار كوچه ميز روز ازلدن?/

بيزلن بئله بيگانه اولوب يار كوچه ميزده/

پولسيز قاپيسيندا بيتن هميشه تيكاندي/

بيتميربه نيه آلما,شلي,نار كوچه ميزده?/

يا موشكول اكنده يادا موشكول آغاجيندا/

يابلكه بيزيم موشكولوميز واركوچه ميزده/

پول يوخدي كوچم, داركوچه دن راحت اولام من/

يوخدور نئچه مدتدي ايشيق تار كوچه ميزده/

ياس باسدي بيزي پاس باسان آهن كيمي هرگون /

طوفاندي چالان طوي گئجه سي تاركوچه ميزده/

چال سن تاري طوفان كي منيم اوينيان وار/

دردتلر قوشولوب غملره اوينار كوچه ميزده/

(حاتم) دئوه اوستينده سني بوء وورا قوخما/

چونكي نئچه آماده قبير وار كوچه ميزده /

يئردن كاسيبي يوخ گوتورن ئولسه آي حاتم/

ئولسون سنه كيم آغلييب اوخشار كوچه ميزده?/

گتسون قبيره قوخما, قبير هاميا داردي/

داي ائوردا دئمه,يوخدي نيه نار كوچه ميزده???

شاعر: حمید کرمی(حاتم)